Mutation-ಕಂದಾಯ ಇಲಾಖೆ ಇನ್ಮುಂದೆ ಮ್ಯುಟೇಶನ್ ಪ್ರಕ್ರಿಯೆ ಸರಳ ಮತ್ತು ಸುಲಭ!

ಕರ್ನಾಟಕ ರಾಜ್ಯದ ಕಂದಾಯ ಇಲಾಖೆಯು ರೈತರ ಮತ್ತು ಸಾರ್ವಜನಿಕರ ಹಿತದೃಷ್ಟಿಯಿಂದ ಭೂ ದಾಖಲೆಗಳ ನಿರ್ವಹಣೆಯಲ್ಲಿ ಒಂದು ಐತಿಹಾಸಿಕ ಬದಲಾವಣೆಯನ್ನು ತಂದಿದೆ. ಈ ಹಿಂದೆ ಜಮೀನಿನ ಹಕ್ಕು ಬದಲಾವಣೆ ಅಥವಾ 'ಮ್ಯುಟೇಶನ್' (Mutation) ಪ್ರಕ್ರಿಯೆಗಾಗಿ ತಿಂಗಳುಗಟ್ಟಲೆ ಕಾಯಬೇಕಾದ ಪರಿಸ್ಥಿತಿ ಇತ್ತು. ಆದರೆ ಈಗ ತಂತ್ರಜ್ಞಾನದ ಬಳಕೆಯಿಂದ ಈ ಇಡೀ ವ್ಯವಸ್ಥೆಯನ್ನು 'ಸ್ವಯಂಚಾಲಿತ' (Auto Approval) ಗೊಳಿಸಲಾಗಿದ್ದು, ಭ್ರಷ್ಟಾಚಾರಕ್ಕೆ ಬ್ರೇಕ್ ಹಾಕುವ ಜೊತೆಗೆ ಪಾರದರ್ಶಕತೆಯನ್ನು ತರಲಾಗಿದೆ.

ಏಪ್ರಿಲ್ 2024 ರಿಂದಲೇ 'ನೋಟೀಸ್ ರಹಿತ' ಮ್ಯುಟೇಶನ್ ಜಾರಿಗೆ ಬಂದಿದ್ದು, ಈಗ ಡಿಸೆಂಬರ್ 2025ರ ಹೊಸ ಅಧಿಸೂಚನೆಯಂತೆ ನೋಟೀಸ್ ಅವಧಿ ಇರುವ ಮ್ಯುಟೇಶನ್‌ಗಳಿಗೂ(Revenue Department Karnataka)ಈ ಸ್ವಯಂಚಾಲಿತ ಸೌಲಭ್ಯವನ್ನು ವಿಸ್ತರಿಸಲಾಗಿದೆ. ಅಂದರೆ, ನಿಗದಿತ 7 ಅಥವಾ 15 ದಿನಗಳ ನೋಟೀಸ್ ಅವಧಿ ಮುಗಿದ ತಕ್ಷಣ, ಯಾವುದೇ ಆಕ್ಷೇಪಣೆಗಳಿಲ್ಲದಿದ್ದರೆ ಸಾಫ್ಟ್‌ವೇರ್ ಮೂಲಕವೇ ಮ್ಯುಟೇಶನ್ ಅನುಮೋದನೆಗೊಳ್ಳಲಿದೆ. ಇದರಿಂದ ರೈತರು ಕಚೇರಿಗಳಿಗೆ ಅಲೆಯುವುದು ತಪ್ಪಿದಂತಾಗಿದೆ.

ಈ ಹೊಸ ವ್ಯವಸ್ಥೆಯು ಕೇವಲ ಸಮಯ ಉಳಿತಾಯ ಮಾಡುವುದಲ್ಲದೆ, ಕಂದಾಯ ಅಧಿಕಾರಿಗಳ ಕೆಲಸದ ಹೊರೆಯನ್ನು ತಗ್ಗಿಸಿದೆ. ಸರ್ಕಾರಿ ಜಮೀನುಗಳು ಅಥವಾ ವಿವಾದಿತ ಭೂಮಿಗಳನ್ನು(Land Records) ಹೊರತುಪಡಿಸಿ, ಸಾಮಾನ್ಯ ಕ್ರಯ, ದಾನ, ವಿಭಾಗ ಹಾಗೂ ವಾರಸುದಾರಿಕೆಯ ಮ್ಯುಟೇಶನ್‌ಗಳು ಈಗ ಅತಿ ವೇಗವಾಗಿ ಪೂರ್ಣಗೊಳ್ಳುತ್ತಿವೆ. ಇದು ಡಿಜಿಟಲ್ ಇಂಡಿಯಾ(Digital India) ಮತ್ತು ರೈತಸ್ನೇಹಿ ಆಡಳಿತಕ್ಕೆ ಅತ್ಯುತ್ತಮ ಉದಾಹರಣೆಯಾಗಿದೆ.

What Is Mutation-ಮ್ಯುಟೇಶನ್ ಎಂದರೇನು?

ಒಬ್ಬ ವ್ಯಕ್ತಿಯಿಂದ ಇನ್ನೊಬ್ಬ ವ್ಯಕ್ತಿಗೆ ಜಮೀನಿನ ಮಾಲೀಕತ್ವ ವರ್ಗಾವಣೆಯಾದಾಗ, ಅದನ್ನು ಸರ್ಕಾರದ ದಾಖಲೆಗಳಲ್ಲಿ (ಪಹಣಿ/RTC) ಅಧಿಕೃತವಾಗಿ ದಾಖಲಿಸುವ ಪ್ರಕ್ರಿಯೆಯನ್ನು 'ಮ್ಯುಟೇಶನ್' ಅಥವಾ 'ನಾಮಾವಳಿ ಬದಲಾವಣೆ' ಎನ್ನಲಾಗುತ್ತದೆ.

Mutation Process-ಮ್ಯುಟೇಶನ್ ಪ್ರಕ್ರಿಯೆ ಹೇಗಿರುತ್ತದೆ?

ದಾಖಲೆ ಸಲ್ಲಿಕೆ: ನೋಂದಾಯಿತ ದಾಖಲೆಗಳು (SRO ಮೂಲಕ) ಅಥವಾ ನೋಂದಾಯಿತವಲ್ಲದ ದಾಖಲೆಗಳು (ತಾಲ್ಲೂಕು ಕಚೇರಿ ಮೂಲಕ) ಸಲ್ಲಿಕೆಯಾಗುತ್ತವೆ.

ನೋಟೀಸ್ ಅವಧಿ: 7 ದಿನಗಳು (ನೋಂದಾಯಿತ ದಾಖಲೆಗಳಿಗೆ) ಅಥವಾ 15 ದಿನಗಳು (ನೋಂದಾಯಿತವಲ್ಲದ ದಾಖಲೆಗಳಿಗೆ) ಆಕ್ಷೇಪಣೆ ಸಲ್ಲಿಸಲು ಸಮಯ ನೀಡಲಾಗುತ್ತದೆ.

ಪರಿಶೀಲನೆ: ಒಂದು ವೇಳೆ ಆಕ್ಷೇಪಣೆ ಬಂದರೆ ಅದು 'ಆರ್.ಸಿ.ಸಿ.ಎಂ.ಎಸ್' (RCCMS) ಮೂಲಕ ತಹಶೀಲ್ದಾರ್ ನ್ಯಾಯಾಲಯಕ್ಕೆ ವರ್ಗಾವಣೆಯಾಗುತ್ತದೆ.

ಅನುಮೋದನೆ: ಯಾವುದೇ ಆಕ್ಷೇಪಣೆ ಬರದಿದ್ದರೆ, ಸಿಸ್ಟಮ್ ಸ್ವಯಂಚಾಲಿತವಾಗಿ ಅನುಮೋದನೆ ನೀಡಿ RTC & MR ಪ್ರತಿಗಳನ್ನು ಸಿದ್ಧಪಡಿಸುತ್ತದೆ.

Mutation Application-ಮ್ಯುಟೇಶನ್ ಯಾವ ಸಮಯದಲ್ಲಿ ಮಾಡಲಾಗುತ್ತದೆ?

• ಜಮೀನು ಖರೀದಿ ಅಥವಾ ಮಾರಾಟ ಮಾಡಿದಾಗ.
• ಕುಟುಂಬದ ಸದಸ್ಯರ ನಡುವೆ ಆಸ್ತಿ ವಿಭಾಗವಾದಾಗ.
• ಯಾರಾದರೂ ಉಡುಗೊರೆ (Gift) ನೀಡಿದಾಗ.
• ಜಮೀನಿನ ವಾರಸುದಾರಿಕೆ (Pouthi) ಬದಲಾದಾಗ.
• ನ್ಯಾಯಾಲಯದ ಆದೇಶ ಅಥವಾ ಭೂಸ್ವಾಧೀನ ಪ್ರಕ್ರಿಯೆ ನಡೆದಾಗ.

Mutation Old Method-ಮ್ಯುಟೇಶನ್: ಈ ಹಿಂದೆ ಇದ್ದ ಪದ್ಧತಿ

ಹಳೆಯ ಪದ್ಧತಿಯಲ್ಲಿ ನೋಟೀಸ್ ಅವಧಿ ಮುಗಿದ ನಂತರವೂ ಕಂದಾಯ ನಿರೀಕ್ಷಕರು (RI) ಸ್ವತಃ ಡಿಜಿಟಲ್ ಸಹಿ ಮಾಡುವ ಮೂಲಕ ಅನುಮೋದನೆ ನೀಡಬೇಕಿತ್ತು. ಇದಕ್ಕಾಗಿ ಅಧಿಕಾರಿಗಳು ಕಚೇರಿಗೆ ಬರುವವರೆಗೆ ಕಾಯಬೇಕಾಗಿತ್ತು, ಇದರಿಂದ ಮ್ಯುಟೇಶನ್ ಪ್ರಕ್ರಿಯೆ ವಿಳಂಬವಾಗುತ್ತಿತ್ತು ಮತ್ತು ಸಾರ್ವಜನಿಕರಿಗೆ ಅನಗತ್ಯ ಅಲೆದಾಟ ಉಂಟಾಗುತ್ತಿತ್ತು.

Mutation New Method-ಮ್ಯುಟೇಶನ್: ಹೊಸ ಪದ್ಧತಿ

ಹೊಸ 'ಸ್ವಯಂಚಾಲಿತ' ಪದ್ಧತಿಯಲ್ಲಿ, ನೋಟೀಸ್ ಅವಧಿ ಮುಗಿದ ತಕ್ಷಣ ಯಾವುದೇ ಮಾನವ ಹಸ್ತಕ್ಷೇಪವಿಲ್ಲದೆ 'ಸರ್ವರ್ ಸಹಿ' (Server Sign) ಮೂಲಕ ಮ್ಯುಟೇಶನ್ ಅಂಗೀಕಾರವಾಗುತ್ತದೆ. ಒಂದು ವೇಳೆ ನಿಗದಿತ ದಿನದೊಳಗೆ ಕಂದಾಯ ಅಧಿಕಾರಿಗಳಾಗಲಿ ಅಥವಾ ಸಾರ್ವಜನಿಕರಾಗಲಿ ಆಕ್ಷೇಪಣೆ ಸಲ್ಲಿಸದಿದ್ದರೆ, ತಂತ್ರಾಂಶವೇ ಅದನ್ನು ಅನುಮೋದಿಸುತ್ತದೆ.

Mutation New Method Benefits-ಇದರಿಂದ ರೈತರಿಗೆ ಆಗುವ ಅನುಕೂಲಗಳೇನು?

ಕೃಷಿಕರು ತಮ್ಮ ಜಮೀನಿನ ದಾಖಲೆಯಲ್ಲಿನ ತಿದುಪಡ್ಡಿ ಇನ್ನಿತರೆಗೆ ಕಚೇರಿ ಕೆಲಸಕ್ಕೆ ಈ ಹಿಂದೆ ಕಂದಾಯ ಇಲಾಖೆಯನ್ನು ತಿಂಗಳುಗಟ್ಟಲೆ ಅಲೇದಾಡಬೇಕಿತ್ತು ಅದರೆ ಈಗ ಇದಕ್ಕೆ ಕೊಂಚ ಪರಿಹಾರ ದೊರೆತಿದ್ದು, ಕಾಯುವ ಅಗತ್ಯವಿಲ್ಲ, ನಿಗದಿತ ದಿನದಂದೇ ಕೆಲಸ ಮುಗಿಯುತ್ತದೆ.

ಜಮೀನಿಗೆ ಸಂಬಂಧಿಸಿದ ದಾಖಲೆಯಲ್ಲಿನ ಬದಲಾವಣೆಗೆ ಮಧ್ಯವರ್ತಿಗಳ ಹಾವಳಿ ತಪ್ಪುತ್ತದೆ ಮತ್ತು ಭ್ರಷ್ಟಾಚಾರಕ್ಕೆ ಆಸ್ಪದವಿರುವುದಿಲ್ಲ.

ಮ್ಯುಟೇಶನ್ ಪೂರ್ಣಗೊಂಡ ತಕ್ಷಣ ಸಂಬಂಧಪಟ್ಟ ಅರ್ಜಿದಾರಿಗೆ ಮೊಬೈಲ್ ಮೂಲಕ ಕಾಲ ಕಾಲದ ಪ್ರಕ್ರಿಯ ಮಾಹಿತಿ ನೇರವಾಗಿ ರವಾನೆ ಮಾಡಲಾಗುತ್ತದೆ ಇಂದರಿಂದ ಅರ್ಜಿದಾರರು ತಮ್ಮ ಮನೆಯಲ್ಲಿ ಕುಳಿತು ತಮ್ಮ ಪೈಲ್ ಎಲ್ಲಿದೆ ಎನ್ನುವ ಬಗ್ಗೆ ಮಾಹಿತಿಯನ್ನು ಪಡೆಯಬಹುದು.

ಇದಲ್ಲದೇ ಸಾರ್ವಜನಿಕರು ಮನೆಯಲ್ಲೇ ಕುಳಿತು 'ಇ-ಚಾವಡಿ' ತಂತ್ರಾಂಶದ ಮೂಲಕ ನೋಟೀಸ್‌ಗಳನ್ನು ವೀಕ್ಷಿಸಬಹುದು.

ಅನುಮೋದನೆಯಾದ ತಕ್ಷಣವೇ ಹೊಸ RTC ಮತ್ತು ಮ್ಯುಟೇಶನ್ ಪ್ರತಿಗಳು ಲಭ್ಯವಾಗುತ್ತವೆ.

E-Chawadi Website-ಇ-ಚಾವಡಿ ವೆಬ್ಸೈಟ್ ಭೇಟಿ ಮಾಡಲು ಇಲ್ಲಿ ಕ್ಲಿಕ್ ಮಾಡಿ-Click Here