Ramayana Exam 2026-ಶೃಂಗೇರಿ ಶಾರದಾ ಪೀಠದಿಂದ ರಾಮಾಯಣ ಪರೀಕ್ಷೆಗೆ ಅರ್ಜಿ! ವಿಜೇತ ವಿದ್ಯಾರ್ಥಿಗಳಿಗೆ ₹50,000 ಬಹುಮಾನ!

ಬೇಸಿಗೆ ರಜೆ ಎಂದರೆ ಮಕ್ಕಳಿಗೆ ಕೇವಲ ಆಟದ ಸಮಯವಲ್ಲ, ಅದು ಜ್ಞಾನಾರ್ಜನೆಯ ಅಮೂಲ್ಯ ಕಾಲವೂ ಹೌದು. ಈ ನಿಟ್ಟಿನಲ್ಲಿ ಮಕ್ಕಳಲ್ಲಿ ಸನಾತನ ಧರ್ಮದ ಮೌಲ್ಯಗಳನ್ನು ಬಿತ್ತಲು ಮತ್ತು ಅವರ ಬೌದ್ಧಿಕ ವಿಕಸನಕ್ಕೆ ಪೂರಕವಾಗಿ ದಕ್ಷಿಣಾಮ್ನಾಯ ಶ್ರೀ ಶಾರದಾ ಪೀಠ, ಶೃಂಗೇರಿ ಮಠದ ಶೈಕ್ಷಣಿಕ ಉಪಕ್ರಮವಾದ 'ಬಾಲ ಭಾರತಿ' ವತಿಯಿಂದ ರಾಜ್ಯಮಟ್ಟದ 'ಶ್ರೀಮದ್ ರಾಮಾಯಣ ಪರೀಕ್ಷೆ- 2026(Sringeri Mutt Ramayana Exam 2026)' ಅನ್ನು ಆಯೋಜಿಸಲಾಗಿದೆ. ರಾಮಾಯಣದ ಸಾರವನ್ನು ಇಂದಿನ ಪೀಳಿಗೆಗೆ ತಲುಪಿಸುವ ಉದ್ದೇಶದಿಂದ ಹಮ್ಮಿಕೊಳ್ಳಲಾಗಿರುವ ಈ ಪರೀಕ್ಷೆಯು ವಿದ್ಯಾರ್ಥಿಗಳಿಗೆ ಸುವರ್ಣ ಅವಕಾಶವಾಗಿದೆ.

ಈ ಸ್ಪರ್ಧಾತ್ಮಕ ಪರೀಕ್ಷೆಯು ಕೇವಲ ಜ್ಞಾನಕ್ಕೆ ಸೀಮಿತವಾಗಿರದೆ, ವಿಜೇತ ವಿದ್ಯಾರ್ಥಿಗಳಿಗೆ ಆಕರ್ಷಕ ನಗದು ಬಹುಮಾನಗಳನ್ನು ಘೋಷಿಸಲಾಗಿದೆ. ಪ್ರಥಮ ಬಹುಮಾನವಾಗಿ ಬರೋಬ್ಬರಿ 50,000 ರೂ. ನಗದು ನೀಡಲಾಗುತ್ತಿದ್ದು, ಇದರೊಂದಿಗೆ ಶೃಂಗೇರಿ ಕ್ಷೇತ್ರಕ್ಕೆ ಪ್ರಾಯೋಜಿತ ಪ್ರವಾಸ ಮಾಡುವ ವಿಶೇಷ ಅವಕಾಶವೂ ವಿದ್ಯಾರ್ಥಿಗಳಿಗೆ ಲಭ್ಯವಿದೆ. ಇದು ಮಕ್ಕಳಲ್ಲಿ ಧಾರ್ಮಿಕ ಆಸಕ್ತಿಯ ಜೊತೆಗೆ ಸ್ಪರ್ಧಾತ್ಮಕ ಮನೋಭಾವನೆಯನ್ನು ಬೆಳೆಸಲು ಉತ್ತಮ ವೇದಿಕೆಯಾಗಿದೆ.

ಇದನ್ನೂ ಓದಿ: RTC Correction-ಕಂದಾಯ ಅದಾಲತ್: ಪಹಣಿ ತಿದ್ದುಪಡಿ ಅಧಿಕಾರ ತಹಶೀಲ್ದಾರರಿಗೆ ಅಧಿಕೃತ ಆದೇಶ ಪ್ರಕಟ!

ಪ್ರಸ್ತುತ ಈ ಅಂಕಣದಲ್ಲಿ ಪರೀಕ್ಷೆಯ ಹಂತಗಳು, ಯಾರೆಲ್ಲಾ ಅರ್ಜಿ ಸಲ್ಲಿಸಬಹುದು, ಬಹುಮಾನಗಳ ವಿವರ, ಪ್ರಮುಖ ದಿನಾಂಕಗಳು ಮತ್ತು ನೋಂದಣಿ ಮಾಡಿಕೊಳ್ಳುವ ಸಂಪೂರ್ಣ ಪ್ರಕ್ರಿಯೆಯನ್ನು ವಿವರಿಸಲಾಗಿದೆ. ನಿಮ್ಮ ಮನೆಯಲ್ಲಿ ಶಾಲಾ ಮಕ್ಕಳಿದ್ದರೆ ಈ ಮಾಹಿತಿಯನ್ನು ತಪ್ಪದೇ ಓದಿ ಮತ್ತು ಈ ಕೂಡಲೇ ನೋಂದಣಿ ಮಾಡಿಸಿ. ಸ್ಪರ್ಧೆಯಲ್ಲಿ ಭಾಗವಹಿಸುವ ಹಂತಗಳು ಹಾಗೂ ಅರ್ಹತಾ ಮಾನದಂಡಗಳಾವುವು?

Sringeri Mutt Ramayana Exam Eligibility-ಯಾರೆಲ್ಲಾ ಅರ್ಜಿ ಸಲ್ಲಿಸಬಹುದು?

ಈ ಪರೀಕ್ಷೆಯನ್ನು ವಿದ್ಯಾರ್ಥಿಗಳ ವಯೋಮಾನಕ್ಕೆ ಅನುಗುಣವಾಗಿ ಎರಡು ಹಂತಗಳಲ್ಲಿ (Levels) ಆಯೋಜಿಸಲಾಗಿದೆ:

ಹಂತ 1 (Level 1): ಈ ಹಂತದಲ್ಲಿ 4, 5 ಮತ್ತು 6ನೇ ತರಗತಿಯಲ್ಲಿ ಓದುತ್ತಿರುವ ವಿದ್ಯಾರ್ಥಿಗಳು ಭಾಗವಹಿಸಬಹುದು.

ಹಂತ 2 (Level 2): ಈ ಹಂತದಲ್ಲಿ 7, 8, 9 ಮತ್ತು 10ನೇ ತರಗತಿಯಲ್ಲಿ ಓದುತ್ತಿರುವ ವಿದ್ಯಾರ್ಥಿಗಳು ಭಾಗವಹಿಸಲು ಅವಕಾಶವಿದೆ.

ಇದನ್ನೂ ಓದಿ: Ration Card Correction-ರೇಶನ್ ಕಾರ್ಡ ತಿದ್ದುಪಡಿಗೆ ಅರ್ಜಿ ಸಲ್ಲಿಕೆ ಪ್ರಾರಂಭ!ಇಂದೇ ಅರ್ಜಿ ಸಲ್ಲಿಸಿ!

ಇದನ್ನೂ ಓದಿ: Pan Card New Rules-ಪ್ಯಾನ್ ಕಾರ್ಡ್ ನಿಯಮಗಳಲ್ಲಿ ಬದಲಾವಣೆ: ಏಪ್ರಿಲ್ 1ರಿಂದ ಹೊಸ ರೂಲ್ಸ್ ಜಾರಿ; ಏನಿದು ಬದಲಾವಣೆ?

Ramayana Exam Cash prize Details-ಬಹುಮಾನಗಳ ವಿವರ (ನಗದು ಬಹುಮಾನಗಳು Level 2 ಗೆ ಮಾತ್ರ)

ಸ್ಪರ್ಧೆಯಲ್ಲಿ ವಿಜೇತರಾದ ಮಕ್ಕಳಿಗೆ ಈ ಕೆಳಗಿನಂತೆ ಬಹುಮಾನಗಳನ್ನು ನೀಡಲಾಗುತ್ತದೆ:

ಪ್ರಥಮ ಬಹುಮಾನ: 50,000 ರೂ.

ದ್ವಿತೀಯ ಬಹುಮಾನ: 40,000 ರೂ.

ತೃತೀಯ ಬಹುಮಾನ: 30,000 ರೂ.

ವಿಶೇಷ ಬಹುಮಾನ: 10,000 ರೂ.

ಇತರೆ: ಅಗ್ರ 8 ವಿದ್ಯಾರ್ಥಿಗಳಿಗೆ ನಗದು ಬಹುಮಾನದೊಂದಿಗೆ ಶೃಂಗೇರಿ ಕ್ಷೇತ್ರಕ್ಕೆ ಉಚಿತ ಪ್ರಾಯೋಜಿತ ಪ್ರವಾಸ. ಹಂತ-1ರ ವಿಜೇತರಿಗೆ ವಿಶೇಷ ಬಹುಮಾನಗಳು, ಪ್ರಮಾಣಪತ್ರಗಳು ಮತ್ತು ಪದಕಗಳನ್ನು ನೀಡಲಾಗುತ್ತದೆ.

ಇದನ್ನೂ ಓದಿ: Free CCTV Training-ಉಚಿತ ಸಿಸಿ ಕ್ಯಾಮರಾ ಅಳವಡಿಕೆ ಮತ್ತು ರಿಪೇರಿ ತರಬೇತಿಗೆ ಅರ್ಜಿ ಆಹ್ವಾನ!

Registration Fee-ನೋಂದಣಿ ಶುಲ್ಕದ ವಿವರ:

ಅರ್ಜಿ ಸಲ್ಲಿಸುವಾಗ ಈ ಕೆಳಗಿನ ಆಯ್ಕೆಗಳನ್ನು ಮಾಡಿಕೊಳ್ಳಬಹುದು:

ರೂ. 250: ಪುಸ್ತಕ + ಪರೀಕ್ಷಾ ನೋಂದಣಿ (ಶಂಕರಪುರದ ಶಾರದಾ ಗ್ರಂಥಾಲಯದಿಂದ ಪುಸ್ತಕ ಸಂಗ್ರಹಿಸಬೇಕು).

ರೂ. 300: ಪುಸ್ತಕ + ಸ್ಪೀಡ್ ಪೋಸ್ಟ್ ಮೂಲಕ ಮನೆಗೆ ಪುಸ್ತಕ ವಿತರಣೆ + ಪರೀಕ್ಷಾ ನೋಂದಣಿ.

ರೂ. 100: ಕೇವಲ ಪರೀಕ್ಷಾ ನೋಂದಣಿ (ಈಗಾಗಲೇ ಬಾಲ ಭಾರತಿ ಶ್ರೀಮದ್ ರಾಮಾಯಣ ಪುಸ್ತಕ ಹೊಂದಿರುವವರಿಗೆ).

ಇದನ್ನೂ ಓದಿ: ATM Card-ಎಟಿಎಂ ಗ್ರಾಹಕರೇ ಗಮನಿಸಿ: ಏಪ್ರಿಲ್ 1 ರಿಂದ ಜಾರಿಗೆ ಬರಲಿವೆ ಹೊಸ ನಿಯಮಗಳು!

Application Link-ಅರ್ಜಿ ಸಲ್ಲಿಸುವುದು ಹೇಗೆ?

ಆಸಕ್ತ ಪೋಷಕರು ಅಥವಾ ವಿದ್ಯಾರ್ಥಿಗಳು ಬಾಲ ಭಾರತಿಯ ಅಧಿಕೃತ ವೆಬ್‌ಸೈಟ್ ಮೂಲಕ ಆನ್‌ಲೈನ್‌ನಲ್ಲಿ ನೋಂದಣಿ ಮಾಡಿಕೊಳ್ಳಬಹುದು.

ಅಧಿಕೃತ ವೆಬ್‌ಸೈಟ್: baalabharati.org

ಪರೀಕ್ಷೆಯು ಶ್ರೀಮದ್ ರಾಮಾಯಣ (ಬಾಲ ಭಾರತಿ ಪ್ರಕಾಶನ) ಪುಸ್ತಕವನ್ನು ಆಧರಿಸಿರುತ್ತದೆ. ಹೆಚ್ಚಿನ ಮಾಹಿತಿಗಾಗಿ ಅಧಿಕೃತ ವೆಬ್‌ಸೈಟ್‌ಗೆ ಭೇಟಿ ನೀಡಿ.